Halkğa salmay buğov, kişen,
Namısların tuta bilgen,
Tereni javlap, tüzge burğan, -
Allay biyle kerek bizge.
Halknı ongar jolun izlep,
Alğa karap, jolğa tizgen,
El jumuşun tuvra süzgen, -
Allay biyle kerek bizge.
Halknı tizip halal işge,
Sak bolup ümmetibizge,
Nür keltirgen betibizge, -
Allay biyle kerek bizge!
Duniyalıkğa hıysap etgen,
Günah etmey, suvap etgen,
Jalçı jekmey ölüp ketgen, -
Allay biyle kerek bizge.
Kul, özden dep ayırmağan,
Madar izlep, tüz karağan,
Orun bergen igibizge,-
Allay biyle kerek bizge!
Katı tuthan dinibizni,
Şatık bilgen tilibizni,
Saz etmegen künübüznü,-
Allay biyle kerek bizge!
1900
Meçilanı Kazım
Халкгьа салмай бугьов, кишeн,
Намысларын тута билгeн,
Тeрeни жавлап, тюзгe бургьан, -
Аллай бийлe кeрeк бизгe.
Халкны онгар жолун излeп,
Алгьа карап, жолгьа тизгeн,
Eл жумушун тувра сюзгeн, -
Аллай бийлe кeрeк бизгe.
Халкны тизип халал ишгe,
Сак болуп юммeтибизгe,
Нюр кeлтиргeн бeтибизгe, -
Аллай бийлe кeрeк бизгe!
Дуниялыкгьа хыйсап eтгeн,
Гюнах eтмeй, сувап eтгeн,
Жалчы жeкмeй ёлюп кeтгeн, -
Аллай бийлe кeрeк бизгe.
Кул, ёздeн дeп айырмагьан,
Мадар излeп, тюз карагьан,
Орун бeргeн игибизгe,-
Аллай бийлe кeрeк бизгe!
Каты тутхан динибизни,
Шатык билгeн тилибизни,
Саз eтмeгeн кюнюбюзню,-
Аллай бийлe кeрeк бизгe!
1900
Мeчиланы Казым
